Adidas NiteBall

ადიდასი niteball-ის კლასიკურ რეტრო სტილს თანამედროვე დიზაინით აახლებს. ოდნავ მოგვაგონებს Ozweego-ს დიზაინს, აშკარად სილუეტი აგებულია Dad shoes ესთეტიკით. ფეხსაცმლის რეზინის ძირი, რომლის მოცულობაც გაფორმებულია სხვადასხვა ფორმებისა და ფერების დეტალებით მაქსიმალურად შეესაბამება ფეხსაცმლის ზედა ნაწილს, რომლის პალიტრა და კონსტრუქცია მაქსიმალურად იმეორებს ფეხსაცმლის ძირზე გამოყენებულ ტონებს. ასევე გამოყენებულია გადაჭარბებული ზომის “სამი ზოლი” გვერდითა პანელებზე, თასმები ქსელისებრი დიზაინითაა, მუქი ფერის ტყავის დეტალები აფორმებს ზედა ნაწილს, ხოლო ბაზად გამოყენებულია სტაფილოსფერი-ბორდოსფერი ტყავისა და ზამშის კომბინაცია. სქელი ძირი, მრავალფეროვანი კონტურები, პალიტრა და დეტალები, რომლებიც იდეალურად ეხამება ერთმანეთს. ადიდასმა Niteball-ის ბევრი ვარიაცია გამოუშვა ფერების გათვალისწინებით და აღსანიშნავია, რომ ყველა თანაბრად პოპულარული და მიმზიდველი დიზაინის მქონეა.